Randulffssjóhús

Randulffssjóhús að vetri
Langborð í Randulfsssjóhúsi
Randulffssjóhús - gaflinn
Sjóhúsið í vetrarsólinni
Randulffssjóhús
Randulffss sjóhús
Randulffssjóhús
Skemmtileg stemning á Randulffssjóhúsi

Veitingastaðurinn í hinu sögufræga og stórskemmtilega Randulffssjóhúsi við Eskifjörð er opið alla daga í júní, júlí og ágúst. Þess á milli tökum við á móti hópum, sé þess óskað.

Við kappkostum okkur við að bjóða aðallega upp á austfirskar krásir af matseðli s.s hreindýr, hákarl, harðfisk og ferskar fiskikrásir beit úr firðinum. Einnig er boðið upp á veislur og veitingar fyrir hópa. Salurinn tekur um 80 manns í sæti.

Á efri hæð hússins er verbúð síldarsjómannana í sinni upprunalegu mynd þar sem gestum gefst tækifæri til að kynna sér aðstæður sjó- og verkamanna hér á árum áður.  Þar er einnig búið að koma fyrir sýningarsal með setustofu. 

Stemmingin er öðruvísi og ómissandi hluti af heimsókn til Eskifjarðar. Hvað er skemmtilegra en að kynna sér útgerðarmenningu fiskiþorps eins og Eskifjarðar með því að skoða gamalt sjóhús í sinni upprunalegu mynd.

Randulffssjóhús er í eigu Sjóminjasafns Austurlands en Ferðaþjónustan á Mjóeyri sér um rekstur þess. Húsið var byggt um 1890 og var lengst notað sem síldarsjóhús en síðan Sjóminjasafnið eignaðist það hefur það tengst safnastarfi safnsins.

Sjóhúsið var í fyrsta sinn opnað almenningi árið 2008. Búið er að koma upp gestamóttöku í sjóhúsinu.