Svæðisleiðsögn

Við leggjum allan okkar metnað í að útvega góða Svæðisleiðsögumenn með sérþekkingu.

Við útvegum svæðisleiðsögumenn um allt Austurland, hver með sérþekkingu á sínu svæði.

Mjög góð staðþekking leiðsögumanna á þeim svæðum sem heimsótt eru er lykilinn að því að kynnast sögu, menningu og þeim möguleikum sem hvert svæði hefur uppá að bjóða.

Gerpissvæðið þ.e.a.s svæðið milli Reyðafjarðar og Neskaupstaðar er í sérstöku uppáhaldi hjá okkur. Við bjóðum upp á margvíslega leiðsögn um það svæði allt frá upplýsingagjöf um svæðið til margra daga gönguferða með öllu tilheyrandi.

Hreindýraleiðsögn

Mjóeyrin er tilvalin sem bækistöð fyrir hreindýraskyttur.

Hvort heldur sem menn vilja veiða með riffli eða myndavél.

Við bjóðum upp á hreindýraleiðsögn ásamt bíl með bílstjóra, aðstöðu fyrir verkun og kælingu og úrbeiningu kjötiðnaðarmans, sé þess óskað. Þannig geta veiðimenn fengið kjötið sent til síns heima tilbúið í neytendaumbúðum. 
Fátt er betra en að láta líða úr sér í heita pottinum eða saunanu á Mjóeyri eftir veiðiferð.

Sævar Guðjónsson hreindýraleiðsögumaður býr á Mjóeyri.